مؤسسة شباب بتحب مصر تصدر كتاب سياسات تغيير المناخ في مصر

مؤسسة شباب بتحب مصر تصدر كتاب سياسات تغيير المناخ في مصر

كتاب "سياسات تغيير المناخ في مصر" خرج للنور وهيكون متاح في معرض القاهرة الدولي للكتاب اللي هتنطلق فعالياته بكره واللي اصدرته دار نشر مركز انسان.

لو عايز تعرف إزاي نواجه تحديات المناخ؟ ونغير الواقع اللي بنعيشه للأحسن، يبقى الكتاب ده ليك! الكتاب ده نتاج مجهود مشترك لمجموعة من الأطراف المعنية بقضية تغير المناخ في مصر، وتم إعداده ضمن مشروع لبناء قدرات منظمات المجتمع المدني العاملة في ملف  التغيرات المناخية ARCH بالتعاون بين مؤسسة شباب بتحب مصر وهيئة CRISP واللي بدأ من 2023  ولسه مكمل .

جوه الكتاب: هتكتشف أفكار جديدة وحلول مبتكرة عشان نغير من واقع البيئة في مصر.  
الكتاب هياخدك في رحلة ممتعة مليانة تفاصيل ومعلومات مهمة تفيد المتخصصين وغير المتخصصين كمان! 

هتلاقوا الكتاب فين؟

موجود في صالة 2 جناح A51، ولو توهت متقلقش، فيه متطوعين في كل حتة هيدلوك علطول.

المعرض هيفتح إمتى؟

متاح للجمهور من الجمعة (24 يناير) لحد 5 فبراير 2025.

مكانه فين؟

في مركز مصر للمعارض الدولية بالتجمع الخامس، وفيه مواصلات من كل مكان.

مفاجأة

هنعلن قريب عن مواعيد حفلة التوقيع عشان تيجوا تاخدوا نسختكم الموقعة وكمان نتصور مع بعض.